ОУ „Петар Поп Арсов” – Карпош Скопје е лоцирано на ул. „Трифун Бузев“ бб во Oпштина Карпош 4. Основното училиште „Петар Поп Арсов“ – Скопје работи од 1972/1973 год во зграда од цврст материјал, павиљонски тип, специјално градена за изведување на кабинетска настава. Зградата ги задоволува сите услови за изведување на современа настава, која располага со централно парно затоплување.

Реонот на Општинското основно училиште „Петар Поп Арсов“, Скопје ја опфаќа територијата на урбаната заедница Карпош 4 што се простира на исток до ул „Љубљанска“, на север до бул „Илинден“, на запад до ул „Никола Парапунов“ и на југ до бул „Партизански Одреди“.