КОНКУРС ЗА ИЗБОР НА ПРВЕНЕЦ НА ГЕНЕРАЦИЈА

 

КОНКУРС ЗА ИЗБОР НА

 ПРВЕНЕЦ НА ГЕНЕРАЦИЈА

ООУ „ Петар Поп Арсов “ Карпош Скопје

Член 1

Од редовните ученици што го завршуваат основното образование,(9- одделение), училиштето може да избира ученик што е првенец на генерација.

Член 2

Постапката за избор на првенец на генерација почнува да тече по објавувањето на интерниот конкурс што се истакнува на огласната табла во училиштето.( конкурсот е објавен на веб страната на училиштето https://ooupetarpoparsov.edu.mk/ )

Конкурсот по правило се истакнува во првата недела од месец мај и трае три недели во месец мај.

Член 3

Предлог на ученик -кандидат за првенец на генерација може да даде: раководител на паралелка, предметен наставник, стручен соработник или директор.

Член 4

За првенец на генерација може да се кандидира ученик -поединец.

Член 5

Секој предложен кандидиран ученик е должен до Комисијата за пофалби и награди да донесе пријава и документација предвидена на конкурсот.

( документите ученикот треба да ги достави до одд.раководител )

Член 6

Комисијата за пофалби и награди ја избира Наставничкиот совет на училиштето.

Член 7

Комисијата за пофалби и награди ја разгледува целокупната документација на пријавените кандидати, ги применува одредбите од член 20 и 21 од Правилникот за пофалби, награди и педагошки мерки.  Правилникот, утврдува кандидатска листа за избор на ученик- првенец на генерација со бодовна листа и истата ја доставува до Наставничкиот совет.

Член 8

Одлуката за прогласување на ученик  за  првенец на генерација,  ја донесува Наставничкиот совет на крајот на наставната година.

Член 9

За првенец на генерација може да биде прогласен ученик кој што покажува примерен однос во училиштето и надвор од него: покажува континуиран одличен успех по сите наставни предмети, постигнува успеси на натпревари, активно учествува во слободните ученички активности, покажува активности во работата на ученичките организации, има освоено награди, дипломи, признанија и сл.

Член 10

Секој критериум што го исполнува кандидатот за првенец на генерација, Комисијата за пофалби и награди, го вреднува на следниот начин:

• Континуирано примерно поведение од 1 до 9 одделение-5 бода;

• Континуиран одличен успех од 1 до 9 одделение -20 бода;

• За учество во слободните ученички активности по 2 бода за секоја секција, ако тоа се докаже со соодветен документ, (список на членови на секцијата);

• За добиени награди, дипломи, пофалници, благодарници или признанија во текот на основното образование, ( од прво до девето одделение).

Ниво на натпревар	Прво место		Второ место			Трето место		Учество
	Поеди	Екипно	Поедин.		Екипно	Поедин	Екипно	Поедин	Екипно
Училишен натпревар	4	2	3	1,5		2	1	1	0,5
Општински натпревар	7	3,5	6	3		5	2,5	2	1
Градски регионален	9	4,6	8	4		7	3,5	3	1,5
Државен натпревар	12	6	10	5		9	4,5	4	2
Меѓународен натпр.	20	10	15	7,5		13	6,5	7	3,5

 

За одговорна улога во активностите на одделенската заедница, детската организација, организацијата на Црвениот крст или друга организација на учениците, на ученикот му се доделуваат по 2 бода за активноста во секоја подинечно во која постигнал одредени резултати.

Член 11

Учениникот што е прогласен за првенец на генерација добива посебна диплома, а во зависност од можностите на училиштето и некоја вредна награда. Истата му се врачува на денот на доделување на сведителствата за завршено основно образование.

ООУ „ Петар Поп Арсов“ Карпош